ТЕЛЕВИЗИЈА ЕДО

СЕКОГАШ СО ВАС

Би-би-си: Путин со посетата на Србија го предупредува Западот (ВИДЕО)

Рускиот претседател Владимир Путин со посетата на Србија го предупредува Западот на Балканот, пишува Би-би-си за посетата на рускиот претседател на Белград.

Путин, како што истакнува британскиот јавен сервис, ја предводи моќната руска делегација во посетата на Србија со цел да ја „зацементира“ соработката со Србија, која сака да се придружи на Европската Унија.

Пред посетата, потсетува Би-би-си, Путин обвини дел од западните земји за „дестабилизација на Балканот“.

Во текстот се поставува прашањето зошто Србија продолжува да го демонстрира своето пријателство со Русија, ако е толку решена да се приклучи на ЕУ и се додава дека со играњето на картата на врските со Москва се бара конзервативно-националистичка поддршка за претседателот Александар Вучиќ и неговата партија СНС.

Тоа, според Би-би-си, го истакнува и словенскиот, православен и христијански карактер на земјата, иако насоката на патот на Србија е кон Западот.

Тоа му помага на Вучиќ да тврди дека политиката која ја приближува Србија кон членството во ЕУ, како нормализацијата на односите со Косово, не е наметната од Брисел, туку е рационален избор за да се подобри животот на граѓаните.

Се оценува и дека доаѓањето на Путин во Србија е опомена за ЕУ дека не треба здраво за готово да ја зема лојалноста на Србија.

Од друга страна, Путин несомнено ќе ужива поради нелагодноста на западните дипломати додека гледаат како водечкиот кандидат за членство во ЕУ го простира црвениот килим пред него, заклучува Би-би-си.

Ве молиме следете не и стискајте лајк:
error
fb-share-icon

Можеби сте пропуштиле

Британската и македонската Влада денеска во Лондон го потпишаа договорот за соработка. На договорот се потпишаа британскиот министер за извоз Гарет Томас и вицепремиерот и министер за транспорт и врски Александар Николоски, свеченото потпишување се одржа во историската зграда на Стариот Адмиралитет во Лондон. Со потпишувањето на овој документ, на Македонија ѝ се ставаат на располагање 5 милијарди фунти (6 милијарди евра) за финансирање на капитални проекти во повеќе стратешки сектори. „Стратешкото партнерство со Обединетото Кралство, го гледаме како нешто што ќе ја доведе Македонија до едно ново ниво. Денес потпишуваме Договор Влада со Влада за развојни-инфраструктурни проекти во клучни сектори, како што се: транспорт, образование, животна средина, информатичка технологија, како и други сектори кои што ќе ги развиваме, тука е здравството, но и образованието и ќе продолжиме да соработуваме во претстојниот период. Навистина сме благодарни што Обединетото Кралство, со својот Инструмент за поддршка на надворешно финансирање, постави рамка од 5 милијарди фунти, што е најголемиот договор што Македонија го потпишала во својата историја во однос на економијата. Навистина сме благодарни за тоа и ова го гледаме како одлична можност за целата држава да се развива. Веќе имаме три проекти кои што се подготвени. Тоа е проектот за брзата железница на Коридорот 10, здравствениот проект за болници и секако проектот за образование, за Медицинскиот факултет, а во претстојниот период ќе бараме нови проекти во секторите за енергетика и животна средина, но и други проекти секако“, изјави Николоски по потпишувањето. Министерот за извоз Томас рече дека ова партнерство „отвора ново поглавје во нашите билатерални односи со Северна Македонија“. „Велика Британија има богато искуство во испораката на висококвалитетна инфраструктура низ целиот свет и среќен сум што го започнувам ова ново партнерство што ќе им помогне на повеќе британски бизниси да извезуваат во Северна Македонија“, рече Томас. Од шесте милијарди евра финансиска рамка со Обединетото Кралство во првиот циклус од пет години ќе се повлечат околу 2,2 милијарди евра, изјави министерката за финансии, Гордана Димитриеска-Кочоска во емисијата „360 степени“. „Две милијарди на пет години се по 400 милиони евра. Толку е годишното зголемување на јавниот долг по однос на овие инвестиции кои, од друга страна, ќе придонесат за раст на економијата. Никаде не пишува дека имаме задолжително повлекување на петте милијарди, а британската Влада гарантира дека Македонија кога ќе ги земе кредитите, ќе ги врати“, рече Димитриеска-Кочоска. Министерката рече дека таа не може да даде повеќе детали за парите, висината на каматата и се останато, се додека не добие готов проект на маса. „Ќе мора да седнеме и со министерот за транспорт да се разговара да каже кои се проектите и потоа ние како Министерство за финансии, покрај што ќе добиеме понуда од банката по процедурите од финансии, ќе си побараме понуда и од други меѓународни институции, затоа што тоа го налага законот. Така што, во овој момент не би можела да зборувам повеќе детали затоа што немам зрел проект пуштен во Финансии, врз основа на кој ќе барам понуда од повеќе банки и ќе излезам да кажам колку е точно каматата би било несериозно. Она што го знам и го имам како информација, се разговара за клинички во Штип, болница во Кичево и онаа брза пруга“, рече министерката Димитриеска-Кочоска.

Copyright © Едо телевизија. | Newsphere by AF themes.