Аудио бомбите Камчев – Груевски не влегоа во судот. Не биле законско прибавени пресече судијата Илија Трпков во „Плацеви на Водно“
Адвокатите на обвинетите Никола Груевски и Орце Камчев во предметот „Плацеви на Водно“ со различни барања. Судот пресече аудиоразговорите помеѓу нив двајца да не бидат докази во постапката. Тврдењето на одбраната на Камчев дека бил незаконски сниман во приватен разговор со Груевски судот го прифати и овие разгвори нема да бидат дел од судската постапка. Бомбите на диск ги испорача адвокатот на Никола Груевски и се обиде да ги понуди како докази.
„РАЗГОВОРОТ Е СНИМАН СО ПРИВАТЕН МОБИЛЕН ТЕЛЕФОН, ТОА Е ЗАКОНСКИ. СЕКОЈ МОЖЕ ДА СНИМА РАЗГОВОР НА СВОЈОТ ТЕЛЕФОН БЕЗ ДА ИМА ПОТРЕБА ДА ОБЕЗБЕДИ ДОЗВОЛА“, ИЗЈАВА ПЕТАР ТИМОВСКИ, АДВОКАТ НА НИКОЛА ГРУЕВСКИ.
Ако овие бомби станат докази тогаш барам и оечкувам сите бомби кои ги имаме да бидат докази категорична е обвинителка Лиле Стефанова.
„ГРУЕВСКИ ГО СНИМАЛ СОГОВОРНИКОТ БЕЗ ДА МУ КАЖЕ, ШТО ГО ПРАВИ НЕЗАКОНСКИ. НО, СПОРЕД ЕВРОПСКИОТ СУД ЗА ЧОВЕКОВИ СЛОБОДИ И ПРАВА ОД СТРАЗБУР, КОГА СЕ РАБОТИ ЗА ПОВИСОК ЈАВЕН ИНТЕРЕС, ВАКВИТЕ ДОКАЗИ ТРЕБА ДА СЕ ПРИФАТАТ. НО, ТАМУ НЕМА ЈАВЕН, ИМА ИНТЕРЕС САМО НА НИКОЛА ГРУЕВСКИ. ГРУЕВСКИ ГИ ИМАЛ УШТЕ ВО ФЕВРУАРИ, ГИ ЧУВАЛ И НЕ ГИ ПРЕДЛОЖИЛ КАКО ДОКАЗ. АКО ГИ ПРИФАТИ СУДОТ ОВИЕ ЈАВНО ОБЈАВЕНИ РАЗГОВОРИ, ТОГАШ И ОБВИНИТЕЛСТВОТО БАРА ДА ГИ ПРИФАТИ СУДОТ КАКО ДОКАЗ ЈАВНО ОБЈАВЕНИТЕ РАЗГОВОРИ КАДЕ ОБВИНЕТИОТ ГРУЕВСКИ КАЖУВА ДЕКА НАШОЛ ‘ЗЕМЈИШТЕ ЗА ЏАБАЛ’К’”, КАЖА ОБВИНИТЕЛКАТА ЛИЛЕ СТЕФАНОВА.
Одбраната на Камчев и судечкиот совет се придржуваа на аргументот дека овие аудио разговори се прибавенби незаконски. Од нивната содржина се слуша како „Поранешниот премиер Никола Груевски нема никаква врска со плацевите на Водно“. Ова го тврди бизнисменот Орце Камчев во февруари 21-ва, една година пред сведочењето дека вистинскиот сопственик е „бегалецот во Будимпешта“ и дека сите други актери само помагале ова да се прикрие. Сепак, Кривичното дело во предметот „Плацеви на Водно“ е перење пари. Обвинителката Лиле Стефанова настојува да докаже дека Груевски, злоупотребувајќи ги парите од партиската членарина, купува имот за 1,2 милиони евра. Во неколкугодишната постапка на „перењето пари“ и прикривање на сопственоста, му помагале бизнисменот Камчев, неговата мајка Ратка, кумот Новачевски, адвокатот Јосифовиќ и братучедот Сашо Мијалков.
