ТЕЛЕВИЗИЈА ЕДО

СЕКОГАШ СО ВАС

СУДОТ МУ ИЗРЕЧЕ ПРИТВОР НА ИЗБЕГАНИОТ ГРУЕВСКИ ЗА СЛУЧАЈОТ „ТАЛИР“

Macedonian Prime Minister Nikola Gruevski walks after a news conference at the government building in Skopje, Macedonia, on Saturday, Jan. 31, 2015. Prime Minister Gruevski has accused Saturday the leftist oppositional leader Zoran Zaev, for attempt of organizing a coup by blackmailing him with “recorded phone conversations that discredit country’s leadership” in order to agree on forming a technical government and early elections. The leader of the main leftist oppositional party Zoran Zaev was charged for “violence against representatives of the highest state authorities”. He was questioned by the investigative judge, but was not arrested and according to local media, he was ordered to hand over his passport. (AP Photo/Boris Grdanoski)

СУДОТ МУ ИЗРЕЧЕ ПРИТВОР

Основниот суд Скопје 1 му изрече мерка притвор на избеганиот пратеник и експремиер Никола Груевски за случајот „Талир“.

„Постапувајќи по предлог на Специјалното јавно обвинителство, кривичниот совет на одделението за организиран криминал и корупција при Основниот суд Скопје денеска донесе решение со кое го уважи предлогот и на обвинетиот Груевски му определи мерка притвор во траење од 30 дена, која ќе важи од денот на неговото пронаоѓање односно лишување од слобода. Против ова решение странките имаат право на жалба во рок од 24 часа до Апелациониот суд“, се вели во соопштението на Основниот суд Скопје 1.

Во случајот „Талир“ Груевски е првоосомничен за перење пари преку незаконско финансирање на партијата ВМРО-ДПМНЕ.

Груевски на 9 ноември требаше да се јави во затворот Шутка на издржување затворска казна од две години за предметот „Тенк“ на СЈО за набавката на мерцедесот од 600.000 евра, откако му беше одбиена жалбата, но судскиот курир во три наврати не успеа да му го врачи упатниот налог оти во домот немаше никого.

На 12 ноември македонската полиција го бараше дома, кај мајка му и во гаражата кај партиското седиште во центарот на Скопје, а МВР објави национална потерница по Груевски.

На 13 ноември Груевски објави на Фејсбук дека е во Будимпешта и дека бара политички азил поради закани по живот во Македонија. Попладнето МНР ја проверуваше веродостојноста, унгарското МНР отпрвин ниту ја потврди, ниту ја демантираше, а пет часа по објавениот Фејсбук-статус, вечерта на 13 ноември и МВР соопшти дека Груевски е во Унгарија и дека по него е распишана меѓународна потерница.

На 20 ноември Груевски преку Фејсбук соопшти дека Унгарија одговорила позитивно на неговото барање за добивање политички азил.

„Денес Република Унгарија, земја членка на ЕУ и НАТО, одговори позитивно на моето претходно поднесено барање за добивање политички азил заради политички прогон во Република Македонија“, напиша Груевски.

Во долгата објава на социјалната мрежа, осудениот Груевски наведе што напишал во барањето за азил, со тврдења дека избегал за да го заштити својот живот од, како, бројните закани кои му биле упатени.

Please follow and like us:
Copyright © Едо телевизија. | Newsphere by AF themes.