Нивото за опасност од тероризам во Велика Британија намален на „значителен“

Нивото за опасност од тероризам во Велика Британија е намален од „сериозен” на „значителен”, велат од Министерството за внатрешни работи.

Секретарката за внатрешни работи Прити Пател изјави дека Велика Британија сè уште е на „високо ниво на закана“ и дека напад би „можел да се случи без дополнително предупредување“, пренесе Би-би-си.

Заканата за тероризам сега е на најниско ниво од август 2014 година. „Значително“ е трето ниво од петте со кои нивото на закана се проценува.

Нивото на закана од тероризам за Северна Ирска останува „сериозно“.

Пател во денешната изјава рече дека тероризмот останува „директен и непосреден“ ризик за националната безбедност на Велика Британија.

Проценките со кои се одредува нивото на закана во земјата ги дава Заедничкиот центар за анализа на тероризам – дел од МИ5 – кој ги дава своите препораки независно од владата.

„Владата, полицијата и разузнавачките агенции ќе продолжат неуморно да работат за решавање на заканата од тероризмот во сите негови форми“, рече Пател.

Нивото на закана се одржува под „постојан надзор“, додаде таа.

Please follow and like us:

You May Also Like