За епидемија на морбили во цела држава ќе се решава во вторник

Комисијата за заразни болести во вторник ќе се произнесе дали ќе биде прогласена епидемија на морбили на ниво на цела држава. Појавата и натаму не стивнува, откако само минатата недела биле регистрирани 126 заболени со мали сипаници што е најголем број досега. Речиси пола од нив (57) се случаи во Скопје, а меѓу нив и бремени жени од кои една трудница го загубила плодот во шестиот месец. Досега од мали сипаници се разболеле и над 100 здравствени работници.

„Кога вирусот е веќе тука, треба да изгори за епидемијата да спласне“, вели министерот за здравство Венко Филипче.

Тој вели дека бројките не се изненадување бидејќи епидемиолозите ги предвиделе и порача дека капацитетите на Инфективната клиника и еден оддел од детска болницата Козле се подготвени за соочување со појавата на морбили. Надлежните апелираат луѓето да се вакцинираат. Од почетокот на епидемијата се регистрирани 960 случаи на заболени.

Please follow and like us:

You May Also Like