Заев: Млад сум да се кандидирам за претседател

„Јас би бил идеален консензуален кандидат за претседател, гледајќи ги рејтинзите, ама уште сум млад за да се кандидирам“, изјави денеска премиерот Зоран Заев, одговарајќи на новинарско прашање „дали битката за претседател ќе ја водат две дами“? (Силјановска и Шеќеринска). Заев вели дека му се допаѓа идејата две дами да се борат за функцијата, но порачува да остават партиите да одлучат.

Инаку, двете најголеми партии СДСМ и ВМРО ДПМНЕ своите кандидати решија да ги избираат преку јавен оглас.
Од СДСМ се уште немаат соопштено дали се пристигнати кандидатури, велат, процесот е во тек и на партиски конгрес на 3 март ќе биде избран кандидатот. На огласот, пак, на ВМРО ДПМНЕ пристигнале 10 кандидатури од кои една по истекот на рокот. И ДУИ може на изборите да настапат со свој кандидат.

You May Also Like