ТЕЛЕВИЗИЈА ЕДО

СЕКОГАШ СО ВАС

Балканот го зафати снежно невреме

Сообраќаен колапс во Белград, населби во Сараево без електрична енергија, силна бура во Сплит, проблеми со слетувањата на авионите во Солун. Балканот од денеска е под влијание на снежно невреме. Днеска во главниот град на Србија, Белград, сообраќајот се одвива под исклучително тешки услови. Градските автобуси во некои делови од градот воопшто и не сообраќаат поради појава на голомразица. Од Градското сообраќајно претпријатие велат дека состојбата во Белград е „катастрофална“.

„Сите белградски комунални служби се во готовност поради најавените снежни врнежи, а во чистењето на снегот ќе бидат ангажирани околу илјада луѓе. За чистење на снегот се користат 72 возила. Сите заедно мора да дадеме свој придонес, да исчистиме пред своите влезови и згради и да направиме градот да биде поубав и пофункционален.“ – изјави Зоран Радојичиќ – градоначалникот на Белград.

Во Босна и Херцеговина, каде што снегот денеска постојано паѓа, полицијата ги исклучува од сообраќај сите товарни возила кои немаат соодветна зимска опрема. Поради снежното невреме, жителите на 20-на населби во општината Источно Сараево од утрово се без електрична енергија поради прекин на далновод, како последица од силниот ветер и снежните врнежи.

Хрватското крајбрежје пак, е зафатено од силна бура, посебно градот Сплит. Ветрот се движи со брзина и до 100 километри на час, поради што е прекинат морскиот сообраќај. Пожарникарските служби денеска отстранувале паднати дрвја, а матерјална штета има и на повеќе згради. Поради облачност утрнава имаше проблеми со летовите на аеродромот „Македониа“ во Солун. Авионите кои требаше да слетаат на солунскиот аеродром беа пренасочени, а два лета беа откажани.

Please follow and like us:
Copyright © Едо телевизија. | Newsphere by AF themes.